ՊԱՇՏՕՆ

(տաման, տամունք, մանց. Գտանի եւ՝ պաշտօնս, զպաշտօնս. որ եւ ՊԱՇՏՈՒՄՆ, տման.) NBH 2-0598 Chronological Sequence: Unknown date, Early classical, 6c, 10c, 12c, 13c գ. ՊԱՇՏՕՆ որ եւ ՊԱՇՏՈՒՄՆ. λατρεία, σεβασμός, θρησκεία cultus religiosus, veneratio, adoratio λειτουργία , θεραπεία ministerium, officium, servitus, famulatus, obsequium, religio եւ այլն: Բարեկրօն ծառայութիւն կամ սպասահարկութիւն Աստուծոյ, աստուածպաշտութիւն. պաշտելն զԱստուած երկրպագութեամբ եւ պատարագօք եւ աղօթիւք. կրօնք. կարգ. հանդէս արարողութեանց. եւ ամենայն սպասաւորութիւն կարգեալ ʼի պաշտօն Աստուծոյ. սէճտէ, իթաաթ, իպատէթ, խզմէթ, զիմմէթ. մանսըպ, փայէ. եբր. ապօտան. *Պահեսջի՛ք զպաշտօնդ զայդ: Զի՞նչ է պաշտօնս այս ձեզ ... զոհ զատկի Տեառն է այս: Զսեղան ողջակիզացն, եւ զամենայն զկահ պաշտամանն: Հրաման ետ Մովսիսի կազմել զպաշտօնն ղեւտացւոցն: Պաշտել զպաշտօն Տեառն առաջի նորա ... պատարագօք մերովք: Սրբեցան ղեւտացիքն ... եւ ապա մտին պաշտել զպաշտօն իւրեանց ʼի խորանին վկայութեան. եւ այլն: *Ղեւտացիքն կատարէին զպաշտօնսն իւրեանց յարտաքին խորանն. Եղիշ. խաչել.: *Պաշտօն՝ ոչ միայն փառաբանութիւնն Աստուծոյ է, այլեւ բովանդակ նորա ծառայութիւնն. Խոսր.: Որպէս եւ λειτουργικός , որ է պաշտօնական, թարգմանի ʼի մեզ՝ Պաշտաման. տե՛ս Ել. ՟Լ՟Ա. 9: ՟Լ՟Թ. 1. 41: Թուոց. ՟Դ. 12: ՟Բ. Մնաց. ՟Ի՟Դ. 14: Եւ λειτουργέω *Ի պաշտաման կալ. Գծ. ՟Ժ՟Գ. 2: Եբր. ՟Ժ. 11: Իսկ ἑφημερία *Օրըստօրէ պաշտամունք: Օրամուտք ʼի պաշտօն կամ պաշտաման: Հանապազորդ կամ հանապազորդեան պաշտօն. ՟Ա. Մնաց. եւ ՟Բ. Մնաց. ստէպ: ՊԱՇՏՕՆ. σέβασμα numen δυσδαιμονία superstitio. Առարկայ սուտ պաշտաման՝ չաստուածք, դիք, կուռք. աղանդ. *Բանաւորաց հրամանաւ՝ կարգէին ʼի պաշտօն դրօշեալքն: Ինքն (մարդն) լաւ է քան զպաշտամունս իւր (զկուռսն): Իբրեւ կերաւ, պայթեաց վիշապն. եւ ասէ (Դանիէլ), տեսէ՛ք զպաշտամունսդ: Խնդիրս ինչ վասն իւրեանց պաշտաման ունէին ընդ նմա. եւ այլն: *Որ զբազմաստուածեան պաշտամունսն մուծին. Եզնիկ.: *Այրէին կիզուին զտունս պաշտաման կրակին. Եղիշ. ՟Գ: *Թողուլ ետ մեզ Սարգիս զաստուածսն մեր եւ զպաշտօնս մեր. Ճ. ՟Ժ.: ՊԱՇՏՕՆ. διακονία diaconatus, ministerium ὐπηρέτημα officium եւն. Սարկաւագութիւն. սպասաւորութիւն. սպաս. ժամերգութիւն. եւ ամենայն ծառայութիւն մատուցեալ Աստուծոյ կամ մարդկան. *Եթէ պաշտօն, ըստ պաշտամանն: Զպաշտօնն իմ փառաւոր առնեմ: Վիճակ պաշտամանս: Արհամարհեալ լինէին ʼի պաշտամանն հանապազորդ այրիք նոցա. եւ այլն: *Բայց թէ ներես սրտիս իմոյ սիրելութեան, եւ տաս կամօք ըզքեզ ձեռացըս պաշտաման (ʼի թաղել զքեզ). Լմբ. տաղ.: *Առ իւրեանցն պաշտօնս վարելով պաշտօնայիւք. Պղատ. օրին. ՟Զ: *Յարուցեալ արկին պաշտօն (սաղմոսերգութեան) մինչեւ ցառաւօտն: Երբեմն արկեալ մեր պաշտօն: Ես յորժամ արկանեմ պաշտօն: Եւ քո խորհուրդք ո՞ւր էին յորժամ զպաշտօնն արկաք. Վրք. հց. ձ: *Պաշտօնս երգոց ոչ կատարեմք. Վրք. հց. ՟Բ: *Ոչ սպասեցին հասանելոյ սովոյն. այլ յառաջագոյն առաքեցին զՊօղոս եւ զԲառնաբաս, զի պաշտօն արասցեն Հրէաստանեացն. Ոսկ. գծ.: Իսկ *Պաշտօն առնուլ. Մտթ. ՟Ի. 28: Մրկ. ՟Ժ. 45. իմա՛ ըստ յն. սպասաւորիլ, պաշտիլ. διακονηθήναι . որպէս եւ Պաշտօն հարկանել, է սպասաւորել. *Չեմ արժանի պաշտօն առնլոյ, այլ հարկանելոյ. Եզնիկ.: ՊԱՇՏՕՆ. Գործ հաճոյական. հաճոյք. շնորհուկք. մարդահաճութիւն. χάρις gratia. եւ բայիւ χαρίζομαι, κολακεύω adulor. խաթըր, կեօնիւլ սայմասը՝ պագմասը, գըլընմագ. *Զի մի՛ կարծիցես՝ պաշտօն առնելով աշակերտին ստեղծանել այսպիսի ինչ զվարդապետէն: Զմիւսն ոչ կամեցան յաւելուլ. քանզի պաշտօն իմն առնէին թագաւորին (Հերովդի): *Զի մի՛ ոք այնպէս համարիցի, եթէ պաշտօն ինչ առնելով այնպէս յարգիցէ: Ոչ պաշտօն ինչ առնելով, եւ ոչ ʼի ցոյցս ինչ գրեցին զոր գրեցին: Ոչ միշտ պարտ իցէ պաշտօն ինչ առնելոյ վասն խօսել, մանաւանդ թէ ոչ երբէք. Ոսկ. մ. ՟Ա. 4. 6. 11: ՟Բ. 5: եւ եփես. ՟Զ:

հայերեն բառարան (Armenian dictionary). 2013.

Look at other dictionaries:

  • ԱՆԲԱՆ — (ի, ից.) NBH 1 0119 Chronological Sequence: Unknown date, Early classical, 5c, 6c, 8c, 10c, 11c, 12c, 14c ա.գ. Որոյ չիք բան, այս ինքն բանականութիւն, եւ խօսք. անասուն. ... ἅλογος irrationalis, carens ratione etverbo *Կենդանիք՝ ոմանք բանականք, եւ… …   հայերեն բառարան (Armenian dictionary)

  • ԲԱՐԵՊԱՇՏՈՒԹԻՒՆ — ( ) NBH 1 455 Chronological Sequence: Unknown date, Early classical, 5c, 6c, 7c, 8c, 10c գ. εὑσέβεια pietas, religio Պաշտօն բարի առ Աստուած. որ եւ աստուածապաշտութիւն, երկիւղածութիւն, առաքինութիւն. ուղիղ հաւատք, եւ բարի վարք. ... *Զհանգամանս… …   հայերեն բառարան (Armenian dictionary)

  • ԴԵՌԱՀԱՒԱՏ — (ի, ից.) NBH 1 0610 Chronological Sequence: Unknown date, 8c, 14c ա. Նորահաւատ. որ եւ ասի ՆՈՐԱՏՈՒՆԿ, ՄԱՏԱՂԱՏՈՒՆԿ. *Զի մի՛ ի պաշտօն դեռահաւատ բարբարոսացս առցի ազգաց. Խոր. ՟Բ. 8: *Պաշտօն դեռահաւատ առցես յազգաց. Ոսկ. լս.: *Դեռահաւատ որդիք. Վրդն. լս …   հայերեն բառարան (Armenian dictionary)

  • ԽՈՐՀՐԴԱԾՈՒԹԻՒՆ — ( ) NBH 1 0977 Chronological Sequence: Unknown date, 5c, 7c, 8c, 10c, 11c, 12c գ. νόησις, διάνοια cogitatio եւն. եւ συλλογισμός syllogismus. Մտածութիւն. որոճումն մտաց. դիտաւորութիւն. Տ. ԽՈՐՀՈՒՐԴ. *Ի բաց մերժել զչարութիւնս, զչար խորհրդածութիւնս.… …   հայերեն բառարան (Armenian dictionary)

  • ԿԱՏԱՐԵԼՈՒԹԻՒՆ — ( ) NBH 1 1062 Chronological Sequence: Unknown date, 5c, 6c, 7c, 8c, 10c, 12c, 14c գ. τελειότης perfectio. Կատարեալն գոլ՝ ամբողջութեամբ եւ լրութեամբ էութեան, լաւութեան, կամ ձրից, մասանց եւ հասակի. ... *Մի կարգ, մի պաշտօն (կամ պատիւ)գկատարելութիւն …   հայերեն բառարան (Armenian dictionary)

  • ՀԱՐԿ 2 — ( ) NBH 2 0062 Chronological Sequence: Early classical գ. λειτουργία, πράξις ministerium, officium, actio, exactio. (որպէս լծ. ընդ Երկ. արգասիք. որ եւ յն. էրղօն ). Սպասահարկութիւն. պաշտօն. սպաս. ծառայութիւն. եւ գործ. ... *Այս իցէ սպասաւորութիւն… …   հայերեն բառարան (Armenian dictionary)

  • ՀԱՐԿԱՆԵՄ — (հարի, հա՛ր.) NBH 2 0063 Chronological Sequence: Unknown date, Early classical, 5c, 6c, 7c, 8c, 10c, 11c, 12c ն. τύπτω, πατάσσω, βασανίζω percutio, caedo, verbero եւն. Արմատն ո՛չ է Հարկ, այլ Հար (որոյ սաստկականն է Զարկ), եւ Վէր. եւ Ուռն. ուստի… …   հայերեն բառարան (Armenian dictionary)

  • ՉԱՐԱՊԱՇՏՈՒԹԻՒՆ — ( ) NBH 2 0570 Chronological Sequence: 8c գ. Չար պաշտօն, եւ Պաշտօն չարի. չարափառութիւն. մոլորութիւն չար. գրի եւ Չարապարշտութիւն. *Արիոսի գտանիս չարապաշտութեանն զուգաձայն: Եւ սորա (բէլայ) խաւար չարապաշտութեանն զբոլոր տիեզերս ընդ իւրեւ կալեալ… …   հայերեն բառարան (Armenian dictionary)

  • ՍՊԱՍ — (ու, ուց.) NBH 2 0736 Chronological Sequence: Unknown date, Early classical, 5c, 6c, 10c, 12c գ. σκεῦος, σκεύασμα, διασκευή vas, instrumentum, apparatus, suppellex եւ κειμήλιον cimelium, supellex pretiosa vel sacra, deliciae κυλικεῦον… …   հայերեն բառարան (Armenian dictionary)

  • ՓԱՌԱՏՐՈՒԹԻՒՆ — ( ) NBH 2 0934 Chronological Sequence: Unknown date, Early classical, 7c, 8c, 10c, 12c գ. Փառատրելն. փառս տալն՞ փառաբանութիւն. օրհնաբանութիւն. աստուածային պաշտօն. գոհութիւն. *Ի սուրբ մարմնոյ նորա եւ յարենէ պատսպարեցան ʼի փառատրութիւն. Յճխ. ՟Ի՟Գ:… …   հայերեն բառարան (Armenian dictionary)

Share the article and excerpts

Direct link
Do a right-click on the link above
and select “Copy Link”

We are using cookies for the best presentation of our site. Continuing to use this site, you agree with this.